LƏNKƏRANDA AĞIR ATLETİKA ÜZRƏ RESPUBLİKA BİRİNCİLİYİ BAŞA ÇATMIŞDIR
AZƏRTAC-ın müxbiri xəbər verir ki, Lənkəran Olimpiya İdman Kompleksində 1993-1994-cü il təvəllüdlü yeniyetmələr arasında idmanın ağır atletika növü üzrə keçirilən respublika birinciliyi başa çatmışdır.
Üç gün davam edən ölkə birinciliyində respublikamızın 8 şəhər və rayonundan gəlmiş komandalar qalib adı uğrunda mübarizə aparmışlar.
Ümumi komanda hesabında cəlilabadlı atletlər daha yaxşı nəticə göstərərək birinci yeri tutmuşlar. Qazaxlı idmançılar ikinci, Lənkəranın gənc ağırlıq qaldıranları isə üçüncü olmuşlar. Qaliblərə Gənclər və İdman Nazirliyinin fəxri fərmanları və qiymətli hədiyyələri təqdim edilmişdir.
Bölmənin digər xəbərləri
