Lənkəranda fəaliyyət göstərən marketdə istehlak üçün yararsız qida məhsulları aşkar olunub
Bakı, 20 aprel, AZƏRTAC
Qida Təhlükəsizliyi Agentliyi ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Lənkəran rayonu, Liman şəhəri, T. Bağırov küçəsi, ev 16 ünvanında fiziki şəxs Ələkbərova Ülviyyə Ağaverdi qızına məxsus “Pibon” marketdə yoxlama aparılıb.
Yoxlama zamanı marketdə istifadə müddəti başa çatmış pendir, şor, noğul və nabat məhsulu aşkar edilib.
Aşkar edilmiş nöqsanlarla əlaqədar qanunvericiliyin tələblərinə uyğun müvafiq tədbirlər görülüb, yararsız məhsullar satışdan çıxarılıb.
Bölmənin digər xəbərləri
