CƏMİYYƏT
Liberiyalı nümayəndə: Azərbaycanın iqlim dəyişikliyi ilə bağlı təcrübəsini hər zaman xatırlayacağıq
Bakı, 12 noyabr, AZƏRTAC
COP29 konfransında iştirak edən ölkələrin iqlim maliyyəsində razılığa gəlməsi ilə bağlı gözləntimiz var. İqlim dəyişikliyindən ən çox təsirlənən ölkələr arasında yer alan Liberiyanın da bu maliyyəyə əlçatanlıq qazanması zəruridir. Biz iqlim maliyyəsinin və ona əlçatanlığın təmin olunmasını gözləyirik.
Bu fikirləri AZƏRTAC-a açıqlamasında COP29 çərçivəsində ölkəmizə gələn liberiyalı xanım Meapeh Kou Gono söyləyib.
Azərbaycanın ev sahibliyi etdiyi COP29-da təşkilati işlərin yüksək səviyyədə aparıldığını diqqətə çatdıran liberiyalı iştirakçı əlavə edib: “Burada hər şey əlçatandır. Təbiət mənzərələri möhtəşəmdir, insanlar isə son dərəcə mehriban və qonaqpərvərdir. COP29 iqlim dəyişikliyi mövzusunda vacib bir platformadır və bu təcrübəni hər zaman xatırlayacağıq. Çünki burada yüksək səviyyədə qarşılanmışıq”.
Bölmənin digər xəbərləri
