Litva parlamenti pilotsuz uçuş aparatlarının məhv edilməsinin sadələşdirilmiş qaydasını təsdiqləyib
Bakı, 23 sentyabr, AZƏRTAC
Komandanlıq tərəfindən müəyyən edilmiş hava hərəkəti qaydalarını pozduqları halda PUA-lar hava məhdudiyyətli zonalar üzərində uçuş zamanı məhv edilə bilər.
AZƏRTAC xəbər verir ki, Litva Seymi (parlamenti) müəyyən edilmiş tələbləri pozan pilotsuz uçuş aparatlarına (PUA) qarşı hərbi tədbirlərin tətbiqinin sadələşdirilmiş qaydasını təsdiqləyib. Plenar iclasda deputatlar ölkənin Milli Müdafiə Nazirliyinin müvafiq təklifini yekdilliklə dəstəkləyiblər.
Litvanın milli müdafiə naziri Dovile Şakalene bildirib ki, əvvəl qüvvədə olan qaydalar artan təhdidlər səviyyəsinə cavab vermirdi. Hərbi qüvvənin istifadəsinə dair qəbul edilmiş dəyişikliklərə əsasən, PUA-lar, hava gəmiləri üçün məhdudlaşdırılmış zonalarda uçduqları və bununla da komandanlığın müəyyən etdiyi hava hərəkəti qaydalarını pozduqları halda vurula bilər. Əvvəllər belə PUA-ların məhv edilməsi üçün onların silah kimi istifadə olunması əsas şərt idi.
Nazirin sözlərinə görə, pozuntuya yol verən pilotsuz uçuş aparatları ordu tərəfindən “tam hərbi zərurət” yarandığı halda, əhalinin və maddi dəyərlərin qorunması üçün mümkün bütün vasitələrdən istifadə edilməklə məhv ediləcək.
Bölmənin digər xəbərləri
