“Liverpul” səfərdə “Kristal Palas”ı məğlubiyyətə uğradıb
Bakı, 31 mart, AZƏRTAC
Martın 31-də futbol üzrə İngiltərə Premyer Liqasının XXXII turu çərçivəsində "Kristal Palas" doğma meydanda "Liverpul"u qəbul edib.
AZƏRTAC xəbər verir ki, çempionatda üçüncü pillədə qərarlaşan "Liverpul" oyunun əvvəlində hesabda geri düşüb. Meydan sahibləri 13-cü dəqiqədə erkən qol vuraraq hesabı açıblar. Luka Miliyoviç adını tabloya yazdırıb - 1:0.
Birinci hissə bu hesabla başa çatıb.
Qarşılaşmanın 49-cu dəqiqəsində Sadio Mane hesaba tarazlıq gətirib - 1:1. Oyunun 84-cü dəqiqəsində isə misirli Məhəmməd Salah “Liverpul”u irəli çıxarıb - 1:2.
Beləliklə, bu qələbədən sonra “Liverpul” xallarını 66-ya çatdırıb. “Kristal Palas” isə 30 xalla 16-cı pillədədir.
Bölmənin digər xəbərləri
