Liverpulda vətəndaşlar pilot tətbiqi vasitəsilə koronavirus testindən keçiriləcəklər
London, 3 noyabr, AZƏRTAC
Böyük Britaniyanın Liverpul şəhərində vətəndaşlar pilot tətbiqi vasitəsilə koronavirus testindən keçiriləcəklər.
Bu həftədən etibarən başlanacaq proqramı yalnız Liverpul şəhərində keçiriləcək və şəhərin bütün sakinləri hər iki həftədən bir koronavirus testindən keçəcəklər. Testlərin cavabları 1 saat sonra çıxacaq. Virusun əlamətlərini daşımayanları da əhatə edəcək olan tətbiq, mümkün qədər çox virus daşıyıcısını aşkar edərək ötürmə zəncirini qırmağı hədəfləyir. Testləri aparacaq həkim qruplarına iki minədək əsgər də dəstək olacaq.
Təxminən 900 min əhalisi olan Liverpul, koronavirusdan ən çox insanların həyatını itirdiyi şəhərlər sırasındadır.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
