Lüksemburq millisinin baş məşqçisi: Komandamın nümayiş etdirdiyi futboldan razı qaldım
Bakı, 6 sentyabr, AZƏRTAC
Oyunumuza görə qalibiyyətə layiq idik. Qarşılaşmanın əvvəlindən sonunadək baxımlı oyun nümayiş etdirdik.
AZƏRTAC xəbər verir ki, bu sözləri UEFA Millətlər Liqasının birinci turunda Azərbaycan yığmasının qonağı olan Lüksemburq millisinin baş məşqçisi Luk Holts oyundan sonra təşkil olunan mətbuat konfransında deyib.
“Oyuna tam nəzarət edəcəyimizi gözləmirdik. Burada rəqibin azlıqda qalmasının da rolu oldu. Rəqib müdafiəyə çəkilməklə işimizi asanlaşdırdı. Komandamın nümayiş etdirdiyi futboldan razı qaldım. Xüsusən, hesabda geri düşdükdən sonra düzgün oynadıq və qələbə qazandıq”, - deyə baş məşqçi qeyd edib.
Qeyd edək ki, sentyabrın 5-də Bakı Olimpiya Stadionunda keçirilən oyunda Azərbaycan millisi Lüksemburq yığmasına 1:2 hesabı ilə məğlub olub.
Bölmənin digər xəbərləri
