Macarıstan şərabçıları öz qələbələrini bayram edirlər
Budapeşt, 17 iyul, AZƏRTAC
Bu gün “International Wine Challenge” beynəlxalq şərab müsabiqəsi başa çatıb. Macarıstan şərabçıları bu müsabiqədə öz aktivlərinə 24 medal yazıblar.
AZƏRTAC Macarıstanın MTI informasiya agentliyinə istinadla xəbər verir ki, müsabiqədə dünyanın 50-dən çox ölkəsindən on minlərlə şərab növü iştirak edirdi. Bu yarışmanın təşkilatçıları onu “ən ciddi, nüfuzlu və qərəzsiz müsabiqə” hesab edirlər.
Müsabiqənin münsiflər heyətinin dünyanın müxtəlif ölkələrini təmsil edən beynəlxalq səviyyəli ekspertlər və şərabçılıq mövzusunda yazan jurnalistlər daxil idi.
Julyet Viktor Vinyard plantasiyasında (Macarıstan) 2017-ci ilin məhsulundan çəkilmiş şərab yarışmanın qızıl mükafatına layiq görülüb.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
