Macarıstan XİN-in başçısı Aİ-ni Rusiya-Ukrayna danışıqlarına mane olmamağa çağırıb
Budapeşt, 15 may, AZƏRTAC
Avropa İttifaqı Türkiyədə keçirilən Rusiya-Ukrayna danışıqlarına mane olmamalıdır.
AZƏRTAC xəbər verir ki, bu bəyanatla Macarıstanın xarici işlər naziri Peter Siyarto çıxış edib.
Macarıstanlı nazir deyib: “NATO ölkələri XİN başçılarının qeyri-rəsmi görüşündə iştirak etmək üçün Antalyaya yola düşürəm. Amma indi dünyanın diqqəti Türkiyənin başqa bir şəhərinə - Rusiya-Ukrayna birbaşa danışıqlarının başladığı İstanbula yönəlib. Ümid edirik ki, hər iki tərəf razılaşmaya nail olmaq üçün açıq olacaq. Brüsselin Rusiya ilə Ukrayna arasında sülh sazişi və ya ən azı atəşkəs razılaşması əldə edəcəyinə mane olacaq hər hansı hərəkətlər etməyəcəyini gözləyirik”.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
