Macarıstan yığmasının qapıçısı millidəki karyerasını başa vurub
Bakı, 17 noyabr, AZƏRTAC
Futbol üzrə Macarıstan yığmasının qapıçısı Qabor Kiray millidəki karyerasını başa vurub.
AZƏRTAC xəbər verir ki, 40 yaşlı qolkiper İsveçlə yoxlama görüşündə millidəki son oyununu keçirib. 1998-ci ildən Macarıstan millisində 108 oyunda meydana çıxan Kiray yığmada ən çox görüş keçirən futbolçudur.
Qeyd edək ki, "Avro-2016"da iştirak edən Q.Kiray Avropa çempionatlarının final tarixinin ən yaşlı futbolçusu olub. O, hazırda Macarıstanın "Haladaş" klubunda çıxış edir.
Bölmənin digər xəbərləri
