MAESTRO LEOPOLD VƏ MSTİSLAV ROSTROPOVİÇLƏR ADINA UŞAQ MUSİQİ MƏKTƏBİNDƏ OLMUŞDUR
Maestronu mədəniyyət və turizm nazirinin müavini Sevda Məmmədəliyeva, Bakı Musiqi Akademiyasının müəllimləri, xarici qonaqlar müşayiət edirdilər.
Məktəbin direktoru Rafiq Əzizov görkəmli həmyerlimizi salamlayaraq dedi ki, məktəbimizə hər bir gəlişiniz əlamətdar hadisədir. Bu dəfə isə ikiqat əlamətdardır, çünki bu gün atanız Leopold Rostropoviçin doğum günüdür.
Direktor bildirdi ki, maestronun əvvəlki səfərindən sonra məktəbin həyatında yaddaqalan hadisələr baş vermişdir. Şagirdlərdən biri ABŞ məktəbində uğurla kurs keçmişdir. Başqa birisi - Cəmilə Musayeva Berlin konservatoriyasına daxil olmuşdur və indi orada oxuyur. Məktəbin məzunları beynəlxalq müsabiqələrdə müntəzəm çıxış edir və uğurla qayıdırlar.
Sonra Rostropoviçlər adına məktəbin şagirdləri və məzunlarının iştirakı ilə konsert oldu.
Bölmənin digər xəbərləri
