Magistraturaya qəbul olmaq üçün 12 mindən çox bakalavr ərizəsini təsdiq edib
Bakı, 5 iyul, AZƏRTAC
2021/2022-ci tədris ili üçün ali təhsil müəssisələrinin və AMEA-nın magistraturalarına qəbul olmaq üçün proqram və ixtisaslaşma seçimi iyulun 5-i saat 23:59-dək davam edəcək.
Bu barədə AZƏRTAC-a Dövlət İmtahan Mərkəzindən məlumat verilib. Bildirilib ki, bu gün 10:55-ə olan məlumata əsasən, 12 min 754 bakalavr (Azərbaycan bölməsi üzrə 11658, rus bölməsi üzrə 1096) öz ərizəsini təsdiq edib.
İxtisaslaşmaları seçib hələ təsdiq etməyən, eləcə də müsabiqədə iştirak etmək istəyən, lakin hələ proqram və ixtisaslaşma seçimi etməmiş digər bakalavrlara tövsiyə olunur ki, göstərilən müddətə qədər ərizələrini təsdiq etsinlər.
Müsabiqəyə yalnız "Bakalavrın elektron ixtisaslaşma seçimi ərizəsi"ndə ixtisaslaşmaları seçmiş və təsdiq etmiş bakalavrlar buraxılacaqlar.
Bölmənin digər xəbərləri
