Maliyyə Nazirliyinin qısamüddətli istiqrazlarının yerləşdirilməsi üzrə hərrac keçiriləcək
Bakı, 21 dekabr, AZƏRTAC
Dekabrın 26-da Bakı Fond Birjasında (BFB) Maliyyə Nazirliyinin dövlət qısamüddətli istiqrazlarının yerləşdirilməsi üzrə hərrac keçiriləcək.
BFB-dən AZƏRTAC-a bildiriblər ki, diskontlu qısamüddətli dövlət istiqrazlarının ümumi həcmi 70 milyon manat, nominal dəyəri 100 manat, tədavül müddəti 364 gün, ödəmə tarixi 2018-ci il dekabrın 25-dir. "PAŞA Kapital" QSC anderrayter vəzifəsində çıxış edir. Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) "üzvlər" bölməsində yerləşdirilib.
Bölmənin digər xəbərləri
