“Mançester Yunayted”in oyunçuları Poqbanın bu klubdan getməsini istəyirlər
Bakı, 24 iyun, AZƏRTAC
İngiltərənin “Mançester Yunayted” komandasının oyunçuları yarımmüdafiəçi Pol Poqbanın bu klubu tərk etməsini istəyirlər.
AZƏRTAC xəbər verir ki, “MYu” futbolçuları yaxın vaxtlarda açılacaq yay transfer pəncərəsi dövründə fransız həmkarlarının bu komandadan getməsini istəyirlər. Onlar hesab edirlər ki, 26 yaşlı yarımmüdafiəçi getsə, komanda üçün yaxşı olar.
“Mançester Yunayted”in məşqçisi Ule-Qunnar Sulşer də Poqbanı satmağa razılıq verib.
Ötən mövsümdə İngiltərə Premyer Liqasının 35 matçında iştirak etmiş Pol Poqba bu oyunlarda 13 qol vurub və 9 uğurlu (qol ilə nəticələnmiş) ötürmə edib. Poqba 6 dəfə sarı vərəqə “qazanıb”.
Fransız idmançının ingilislərlə sazişinin müddəti 2021-ci ilin yayında başa çatır.
“Transfermarkt” portalının hesablamalarına görə, bu oyunçunun qiyməti 100 milyon avrodur. Avropanın iki top-klubu - Madridin “Real” və Turinin “Yuventus” klubları Poqbanı almaq iddiasındadır.
Bölmənin digər xəbərləri
