Martda qiymətli kağızlar üzrə keçirilən əməliyyatların həcmi açıqlanıb
Bakı, 5 aprel, AZƏRTAC
Bakı Fond Birjasında (BFB) mart ayı ərzində qiymətli kağızlar üzrə keçirilən əməliyyatların ümumi həcmi 3 milyon 292 min 562,942 manat təşkil edib.
BFB-dən AZƏRTAC-a bildirilib ki, ötən ilin müvafiq dövrü ilə müqayisədə dövlət qiymətli kağızları təkrar bazarı üzrə ticarət həcmində 64 faiz, korporativ qiymətli kağızlar üzrə isə 30 faiz böyümə qeydə alınıb. Həmçinin ötən illə müqayisədə dövlət qiymətli kağızlar bazarının ilkin bazarında 70 faiz azalma olub.
Bu ilin mart ayının son ticarət günü üzrə Bakı Fond Birjasının kapitalizasiyası 4 milyon 93 min 156,227 manat təşkil edib.
Bölmənin digər xəbərləri
