Masallı məktəblərinin 100 məzunu ali məktəblərə qəbul imtahanlarında yüksək nəticə göstərib
Masallı, 12 sentyabr, Bağır Əliyev, AZƏRTAC
Bu il Masallı rayonunun ümumtəhsil məktəblərini bitirən 1352 məzundan 794-ü ali məktəblərə daxil olmaq üçün Dövlət İmtahan Mərkəzinə sənəd təqdim edib.
AZƏRTAC-ın bölgə müxbiri xəbər verir ki, abituriyentlərin 100 nəfəri ali məktəblərə qəbul imtahanlarında yüksək nəticə göstərib.
Məzunlardan 73 nəfəri 500-600, 27 nəfəri isə 600-700 arası bal toplayıb.
Qeyd edək ki, ötən il rayonun ümumtəhsil məktəblərini bitirən məzunlardan 727 nəfəri ali məktəblərə sənəd verib. Onlardan 60 nəfəri 500-600, 25 nəfəri isə 600-700 arası bal toplamışdı.
Bölmənin digər xəbərləri
