Masallı rayonunda narkotiklərin qanunsuz dövriyyəsi ilə məşğul olan keçmiş məhkum tutulub
Bakı, 1 mart, AZƏRTAC
Masallı rayonunda narkotiklərin qanunsuz dövriyyəsi ilə məşğul olan keçmiş məhkum tutulub.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a verilən məlumata görə, narkotiklərin qanunsuz dövriyyəsində şübhəli bilinən Təzə Alvadı kənd sakini, əvvəllər məhkum olunmuş Şain İbişov Masallı Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində saxlanılıb. Axtarış zamanı onda 4 qramdan artıq tiryək aşkarlanıb. Əməliyyat tədbirlərinin davamı olaraq, Ş.İbişovun yaşadığı evdən 1 kiloqram 740 qram tiryək aşkarlanaraq götürülüb.
Faktlarla bağlı rayon polis şöbəsində araşdırma aparılır.
Bölmənin digər xəbərləri
