Masallıda baramaçılığın inkişafına diqqət artırılıb
Masallı, 16 mart, Bağır Əliyev, AZƏRTAC
Masallıda ənənəvi təsərrüfat sahələrindən biri baramaçılıqdır. Ölkəmizdə fermerlərə, məhsul istehsalçılarına göstərilən dövlət dəstəyi, onlara verilən subsidiyalar, güzəştli kreditlər rayonda baramaçılığın inkişafı üçün real imkanlar yaradıb.
Masallı Rayon İcra Hakimiyyətindən AZƏRTAC-ın bölgə müxbirinə verilən məlumata əsasən, ötən il rayonda 5318,80 kiloqram yaş barama “Azər-İpək” MMC-yə təhvil verilib.
Təhvil verilmiş yaş baramaya görə istehsalçılara hər kiloqramına görə 4 manat olmaqla 21218,67 manat ödənilib.
Dövlət büdcəsinin vəsaiti hesabına isə təhvil verilmiş yaş baramanın hər kiloqramına görə 5 manat olmaqla 26395,50 manat subsidiya hesablanaraq, cəmi 47614,17 manat kümçülərin bank hesablarına köçürülüb.
Rayonda baramaçılığın yem bazasını möhkəmləndirmək məqsədilə Çin Xalq Respublikasından 2018-ci ildə 25000, 2019-cu ildə isə 30000 ədəd tut tingi gətirilib.
Bölmənin digər xəbərləri
