MASALLIDA TƏHSİL NAZİRLİYİNİN KUBOKU UĞRUNDA ŞAHMAT TURNİRİNİN ZONA YARIŞLARI KEÇİRİLMİŞDİR
AZƏRTAC xəbər verir ki, Masallı şəhərindəki mədəniyyət sarayında Təhsil Nazirliyinin kuboku uğrunda şahmat turnirinin zona yarışları keçirilmişdir.
12 rayon komandasının iştirak etdiyi zona birinciliyində Lənkəranın gənc şahmatçıları birinci yerə layiq görülmüşlər. Masallı idmançıları ikinci, Əli Bayramlı komandası isə üçüncü yerləri tutmuşlar.
Şəxsi birincilik yarışlarında Masallının gənc şahmatçıları fərqlənmişlər.
Qaliblərə “Təhsil” İdman Mərkəzinin diplomları və mükafatları təqdim edilmişdir.
Bölmənin digər xəbərləri
