Masallının çay plantasiyalarında qış becərmə işlərinə başlanılıb
Masallı, 18 dekabr, Bağır Əliyev, AZƏRTAC
Sovet dönəmində Masallı rayonunda 3100 hektaradək çay plantasiyası olub. Bu çay sahələrindən 10 min tondan çox yaşıl çay yarpağı yığılıb. Plantasiyalardan yığılan yaşıl çay yarpağı rayonda fəaliyyət göstərən 5 çay fabrikinə təhvil verilirdi.
AZƏRTAC-ın bölgə müxbiri xəbər verir ki, ölkəmizdə kənd təsərrüfatının bütün sahələri kimi, çayçılığın inkişafına göstərilən dövlət dəstəyi sayəsində Masallıda çayçılıq yenidən dirçəlməyə başlayıb. Hazırda rayonda 118,2 hektar çay sahəsi var.
Bu il çay plantasiyalarından 15,5 ton məhsul yığan Masallı çaybecərənləri qarşıdakı ildə sahələrdən bol məhsul götürmək üçün aqrotexniki qaydalara ciddi əməl edirlər. Rayonun çay plantasiyalarında artıq qış becərməsinə başlanılıb.
Bölmənin digər xəbərləri
