Maya Sandu: Moldovada iki həftəlik fövqəladə vəziyyət elan edilməlidir
Kişineu, 14 mart, AZƏRTAC
Martın 13-də Moldovanın Ali Təhlükəsizlik Şurasının iclası keçirilib. İclasda Moldovada pandemiya ilə bağlı vəziyyət müzakirə edilib.
AZƏRTAC yerli mətbuata istinadla xəbər verir ki, iclasda Moldova Prezidenti Maya Sandu hazırda vəziyyətin kritik olduğunu və bunun bir sıra məsələlərin təcili həllini zəruri etdiyini söyləyib. Prezident parlament üzvlərini və Səhiyyə Nazirliyinin nümayəndələrini qərar verməyə dəvət edib.
“Virusa yoluxma hallarının artmasının qarşısını almaq üçün məsuliyyətli qərarlara ehtiyacımız var. Fövqəladə hallar zamanı kompensasiya, peyvəndlər, müayinələrə giriş və pulsuz dərmanlarla əlaqədar tədbirlər müəyyənləşdirilməlidir. Mənim və Ali Təhlükəsizlik Şurasının mövqeyi belədir ki, ölkədə koronavirusla bağlı təhlükəli vəziyyət yarandığı üçün 2 həftəlik fövqəladə vəziyyət elan edilsin. Moldova hökuməti 3 gün ərzində müvafiq qərar çıxarmalıdır”, - deyə Maya Sandu əlavə edib.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
