MƏKTƏBLİLƏR YOL HƏRƏKƏTİ QAYDALARINAMÜKƏMMƏL YİYƏLƏNMƏLİDİRLƏR

25.02.2006 [11:47]
Çap et
A⁺ A^-

Respublikamızda keçirilən hərəkətin təhlükəsizliyi aylığı uğurla davam edir və yol-nəqliyyat hadisələrinin qarşısının alınmasında təşviqat və təbliğat işinin genişləndirilməsi müsbət nəticələr verir. Təcrübə göstərir ki, nəqliyyat hadisələrinin əsas səbəblərindən biri də hərəkət iştirakçılarının yol qaydalarını bilməməsidir. Buna görə də əhali arasında yol hərəkəti qaydalarının təbliğinə xüsusi ehtiyac duyulur.

AZƏRTAC xəbər verir ki, aylıq günlərində Binəqədi Rayon Polis İdarəsinin kollektivi əhali arasında xüsusilə məktəblərdə belə təbliğatın aparılmasına ciddi diqqət yetirir.

Bununla əlaqədar, rayonun 276 nömrəli məktəbində keçirilən görüşdə yol hərəkəti qaydalarının məktəblilər tərəfindən pozulması faktları diqqətə çatdırılmış və məktəblilərin qaydalara ciddi riayət etmələri üçün, onların bu qaydalara mükəmməl yiyələnmələri tövsiyə olunmuşdur.

Rayon Polis İdarəsinin rəisi, polkovnik Nazim Nağıyev məktəbliləri maraqlandıran sualları cavablandırmışdır.

Ümummilli lider Heydər Əliyevin portreti və yol hərəkəti qaydalarını əks etdirən böyük stend, xatirə olaraq məktəbə hədiyyə olunmuşdur.

MƏKTƏBLİLƏR YOL HƏRƏKƏTİ QAYDALARINAMÜKƏMMƏL YİYƏLƏNMƏLİDİRLƏR

MÜƏLLİFLƏ ƏLAQƏ