Məlumat Hesablama Mərkəzində Xocalı soyqırımı şəhidlərinin xatirəsi yad edilib
Bakı, 25 fevral, AZƏRTAC
Məlumat Hesablama Mərkəzində (MHM) Xocalı soyqırımının 23-cü ildönümü ilə bağlı tədbir keçirilib. Əvvəlcə Xocalı soyqırımı şəhidlərinin xatirəsi bir dəqiqəlik sükutla yad edilib.
Hesablama Mərkəzindən AZƏRTAC-a bildiriblər ki, tədbir iştirakçılarına Ermənistan silahlı qüvvələri tərəfindən Xocalı şəhərində törədilən amansız cinayətlər, 613 dinc sakinin amansızcasına qətlə yetirilməsi, yüzlərlə günahsız azərbaycanlının şikəst olması və əsir götürülməsi, soyqırımı zamanı törədilmiş digər vəhşiliklər barədə məlumat verilib. Ermənilərin azərbaycanlılara qarşı həyata keçirdiyi dəhşətli və faciəli Xocalı soyqırımı, törədilən ağır qırğının nəticələri və tarixi-mədəni abidələrimizin məhv edilməsinin dünya ictimaiyyətinin diqqətinə çatdırılması və tanıdılması istiqamətində müxtəlif ölkələrdə keçirilən tədbirlər və aksiyaların təqdirəlayiq olduğu qeyd olunub.
Digər çıxış edənlər də Xocalı faciəsinin Azərbaycan tarixində unudulmaz, dəhşətli və qanlı hadisələrdən biri olduğunu, Ermənistan tərəfindən ölkəmizə və xalqımıza qarşı yürüdülən işğalçılıq və etnik təmizləmə siyasətini pisləyərək, bu faciənin millətin qan yaddaşında əbədi qalacağını bir daha vurğulayıblar.
Bölmənin digər xəbərləri
