Mərkəzi Bank Dünya Bankı ilə əməkdaşlığın genişləndirilməsi imkanlarını nəzərdən keçirib
Bakı, 24 oktyabr, AZƏRTAC
Azərbaycan Mərkəzi Bankının (AMB) sədri Taleh Kazımovun rəhbərlik etdiyi nümayəndə heyəti Vaşinqtonda Dünya Bankının Avropa və Mərkəzi Asiya regionu üzrə vitse-prezidenti xanım Antonella Bassani ilə görüşüb.
AMB-dən AZƏRTAC-a bildirilib ki, görüş zamanı Azərbaycan üzrə yeni Ölkə Tərəfdaşlıq Çərçivəsinin hazırlanması istiqamətində görülən işlər və əhatə olunacaq strateji istiqamətlər müzakirə olunub. Görüşdə, həmçinin Dünya Bankı tərəfindən həyata keçirilən layihələrin ölkəmizin inkişaf prioritetləri və planlarının reallaşdırılmasına verdiyi mühüm töhfə vurğulanıb.
Mərkəzi Bank və Dünya Bankı arasında əməkdaşlığın genişləndirilməsi imkanları da nəzərdən keçirilib.
Bölmənin digər xəbərləri
