MƏRKƏZİ SEÇKİ KOMİSSİYASI GÖYÇAYDA ZONA SEMİNAR-MÜŞAVİRƏSİ KEÇİRMİŞDİR
Tədbirdə 85 saylı Şamaxı, 86 saylı İsmayıllı, 87 saylı Ağsu-İsmayıllı, 88 saylı Göyçay, 89 saylı Göyçay-Ağdaş, 90 saylı Ağdaş, 91 saylı Ucar və 92 saylı Zərdab-Ucar seçki dairələri dairə və məntəqə seçki komissiyalarının sədrləri və üzvləri iştirak etmişlər.
Seminar-müşavirəni giriş sözü ilə MSK-nın üzvü Nizami Nadirov açmışdır. MSK-nın üzvü Qabil Orucov seçkilərə hazırlıqla əlaqədar qarşıda duran vəzifələrdən danışmış, ərizələrin, imza vərəqələrinin doldurulması, ekspert qrupunun yaradılması, seçici siyahılarının hazırlanması və dürüstləşdirilməsi, ümumən sənədlərlə iş barədə Seçki Məcəlləsində qanunla müəyyən edilmiş qaydalara dair ətraflı şərh vermişdir.
Seminar-müşavirədə dairə seçki komissiyaları sədrlərinin görülmüş işlər barədə hesabatları dinlənilmiş, iştirakçıları maraqlandıran suallara aydınlıq gətirilmişdir.
Bölmənin digər xəbərləri
