Meşələrin ermənilər tərəfindən məhv edilməsi Azərbaycanda səhralaşma prosesini sürətləndirir
Bakı, 18 iyun (AZƏRTAC). Səhralaşma ilə bağlı qlobal ekoloji problemin ciddiliyini nəzərə alaraq BMT-nin Bas Assambleyası 1994-cü ildən iyunun 17-ni Ümumdünya Səhralaşmaya Qarşı Mübarizə Günü elan etmişdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, ölkəmizdə eroziyaya 3,7 milyon, şoranlaşmaya isə 1,2 milyon hektara qədər torpaq məruz qalmışdır. Təxminən 300 kvadratkilometr ərazi sel sularının təsirindən, 30 min hektar torpaq sahəsi isə faydalı qazıntıların istismarı nəticəsində yararsız hala düşmüşdür.
Bundan başqa, işğal altında olan 264 min hektar meşə sahəsi ermənilər tərəfindən intensiv olaraq məhv edilir ki, bu da Azərbaycan ərazisində meşələrin azalmasına, səhralaşma prosesinin sürətlənməsinə səbəb olur.
Bölmənin digər xəbərləri
