Metodik Dəstək Mərkəzinin fəaliyyəti genişlənir
Bakı, 1 aprel, AZƏRTAC
Təhsil İnstitutunun Metodik Dəstək Mərkəzinin rəhbərliyi və əməkdaşları yerlərdə metodik xidmətin mövcud vəziyyətinin öyrənilməsi, metodik kabinet müdirləri və metodistlərlə tanışlıq məqsədilə bölgələrə səfərlərə başlayıb.
Bu barədə AZƏRTAC-a institutdan məlumat verilib. Bildirilib ki, ilkin olaraq Xızı, Siyəzən, Şabran, Xaçmaz, Quba və Qusar rayonlarına səfərlər təşkil olunub. Bu cür görüşlərin digər regionlarda da keçirilməsi planlaşdırılır.
Qeyd edək ki, Metodik Dəstək Mərkəzinin qaynar xətt nömrəsi (+99451 229 68 68) və elektron poçt ünvanı ([email protected]) artıq istifadəyə verilib. Əlaqə vasitələri təhsil işçilərinin metodik dəstəklə bağlı sual və təkliflərini ünvanlaması üçün nəzərdə tutulur.
Bölmənin digər xəbərləri
