MİKROMALİYYƏLƏŞDİRMƏ BANKI MİNDƏN ÇOX KREDİT VERMİŞDİR
Azərbaycan Mikromaliyyələşdirmə Bankı ölkəmizdə fəaliyyətə başladığı vaxtdan əhaliyə üst-üstə 1,5 milyon ABŞ dolları məbləğində 1250 kredit vermişdir ki, onun da 250-si artıq tamamilə ödənilmişdir. Bankdan AZƏRTAC-ın müxbirinə bildirmişlər ki, bu maliyyə təşkilatı verilən kreditlərin sayını ilin sonunadək 1000-ə çatdırmağı qərara almışdı. Lakin əhalinin götürülən kreditləri vaxtında ödəməsi bunu artıq iyun ayında həyata keçirməyə imkan vermişdir. Bank avqustda 30 min ABŞ dolları məbləğində kiçik kreditlər verməyi nəzərdə tutur. Hazırda bu məbləğ 10 min dollardan və ya 50 milyon manatdan çox deyil.
Bölmənin digər xəbərləri
