“MİLAN”IN MƏŞHUR FUTBOLÇUSUNUN AİLƏSİ 200 MİN DOLLAR GİROV PULU VERMİŞDİR
AZƏRTAC-ın Tbilisidən aldığı xəbərdə deyilir ki, Gürcüstan Daxili İşlər Nazirliyi və Dövlət Təhlükəsizliyi Nazirliyi xüsusi təyinatlı dəstələrinin Mestiya rayonundakı Etseri kəndində martın 24-də apardığı əməliyyat zamanı məhv etdiyi xüsusilə təhlükəli üç quldur ölkə yığma komandasının və İtaliyanın “Milan” klubunun məşhur futbolçusu Kaxi Kaladzenin ailəsindən hədə-qorxu ilə pul qoparmışdır. Bunu daxili işlər naziri Georgi Baramidze bildirmişdir.
Nazir demişdir ki, quldurlar bir sıra digər ağır cinayətlər - qətl-qarətlər, soyğunçuluq törətməklə yanaşı, Kaxi Kaladzenin ailəsini 200 min dollar verməyə məcbur etmişlər.
Bölmənin digər xəbərləri
