MİLLİ AEROKOSMİK AGENTLİYİNDƏ “ƏMƏK TƏHLÜKƏSİZLİYİ” LABORATORİYASI YARADILMIŞDIR

14.12.2005 [10:50]
Çap et
A⁺ A^-

AZƏRTAC xəbər verir ki, Azərbaycan Milli Elmlər Akademiyası Milli Aerokosmik Agentliyində (AMAKA) “Əmək təhlükəsizliyi” laboratoriyası yaradılmışdır. “Kosmik elm və texnologiyanın tətbiqi ilə ətraf mühit və insan amilinin tədqiqi” layihəsi çərçivəsində təşkil olunmuş laboratoriya insanların yaşadıqları, işlədikləri yerlərdə onların sağlamlığı, əmək təhlükəsizliyi ilə bağlı problemləri öyrənəcəkdir.

45 min ABŞ dollarına başa gəlmiş laboratoriya Standartlaşdırma, Metrologiya və Patent üzrə Dövlət Agentliyinin attestatını almışdır.

AMAKA-nın baş direktoru, fizika–riyaziyyat elmləri doktoru, layihənin müəllifi Əflatun Həsənov bildirmişdir ki, oxşarı olmayan laboratoriya yerlərdə 8 ekoloji amil–səs, titrəmə, işıqlandırma, havanın sanitar–gigiyenik göstəriciləri, ionlaşdırıcı şüalanma, ionlaşdırmayan şüalanma, infraqırmızı şüalanma və rütubətliliyin təyini üzrə ölçmələr aparacaqdır. Həmin yerlərdə ziyanlı amillərin normadan xeyli artıq olması müəyyən edilərsə, müəssisə və ya təşkilatın rəhbəri işçilərin məruz qaldığı ziyanın əvəzini ödəməli olacaqdır.

MİLLİ AEROKOSMİK AGENTLİYİNDƏ “ƏMƏK TƏHLÜKƏSİZLİYİ” LABORATORİYASI YARADILMIŞDIR

MÜƏLLİFLƏ ƏLAQƏ

Bölmənin digər xəbərləri