Milli Azərbaycan Tarixi Muzeyində Cümhuriyyət dövrünü əks etdirən rəsm əsərləri qorunur
Bakı, 27 may, AZƏRTAC
AMEA-nın Milli Azərbaycan Tarixi Muzeyinin Təsviri materiallar fondunda Azərbaycan Xalq Cümhuriyyəti dövrünü əks etdirən rəsm əsərləri qorunur.
Muzeydən AZƏRTAC-a bildirilib ki, bunlar Cümhuriyyətin banilərindən biri, Milli Şuranın sədri Məhəmməd Əmin Rəsulzadənin, Baş Nazir Fətəli xan Xoyskinin, Cümhuriyyət parlamentinin birinci iclasının, Milli Ordu əsgərinin əks olunduğu rəsm əsərləridir.
Həmçinin fondda Cümhuriyyətin xarici işğalçılardan qorunmasında böyük rol oynamış Osmanlı Hərbiyyə naziri Ənvər Paşanı, Qafqaz İslam Ordusunun komandanı Nuru Paşanı əks etdirən rəsm əsərləri də mühafizə olunur. Bu rəsm əsərləri Cümhuriyyət qurucularının və dövlətimizin xarici əsarətdən xilası üçün döyüşmüş türk zabitlərinin xatirəsinin əbədiləşməsi, dövrün tarixinin tədqiqi və incəsənət baxımından əhəmiyyətlidir.
Bölmənin digər xəbərləri
