Milli Məclis sədrinin müavini beynəlxalq parlament konfransında iştirak edəcək
Bakı, 19 noyabr, AZƏRTAC
Milli Məclis sədrinin müavini, parlamentin Gənclər və idman komitəsinin sədri, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev noyabrın 20-dən 23-dək Qazaxıstanın paytaxtı Nur-Sultan şəhərində səfərdə olacaq.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Adil Əliyev Qazaxıstanın Birinci Prezidenti Gününə həsr olunmuş “Elbası. Müstəqillik. Parlament” adlı beynəlxalq parlament konfransında iştirak edəcək.
Nursultan Nazarbayevin ümumxalq seçkisi ilə Qazaxıstanın birinci Prezidenti seçilməsinin 30 illiyi ərəfəsində keçiriləcək beynəlxalq tədbirə Qazaxıstanın və xarici ölkələrin parlament nümayəndələri, politoloqlar və ekspertlər qatılacaqlar.
Bölmənin digər xəbərləri
