MİLLİ MƏCLİSİN ELM VƏ TƏHSİL MƏSƏLƏLƏRİ DAİMİ KOMİSSİYASININ İCLASINDA

19.09.2006 [18:06]
Çap et
A⁺ A^-

AZƏRTAC xəbər verir ki, Milli Məclisin elm və təhsil məsələləri daimi komissiyasının sentyabrın 19-da keçirilmiş iclasında “Nişanların beynəlxalq qeydiyyatı haqqında” Madrid Sazişinin Protokoluna qoşulmaq barədə”, “Təhsil sahəsində ayrı-seçkiliklə mübarizə haqqında” Konvensiyanın təsdiq olunması barədə”, “Təhsil sahəsində ayrı-seçkiliklə mübarizə haqqında” Konvensiyada iştirak edən dövlətlər arasında meydana çıxa bilən ixtilafları həll etmək üçün barışıq və xeyirxah xidmət komissiyasının təsis edilməsi haqqında” Protokolun (Azərbaycan Respublikasının bəyanatları ilə birlikdə) təsdiq olunması barədə” qanun layihələri və cari məsələlər müzakirə olunmuşdur.

Komissiya sədrinin müavini Bəxtiyar Əliyev demişdir ki, Madrid Sazişinin Protokoluna qoşulduqdan sonra Azərbaycanda istehsal olunmuş məhsulların əmtəə və xidmət nişanlarının beynəlxalq aləmdə tanınması və müəllif hüquqlarının qorunması ilə bağlı problemlər hüquqi cəhətdən öz həllini tapacaqdır. Azərbaycan “Təhsil sahəsində ayrı-seçkiliklə mübarizə haqqında” Konvensiyada iştirak edən dövlətlər arasında meydana çıxa bilən ixtilafları həll etmək üçün barışıq və xeyirxah xidmət komissiyasının təsis edilməsi haqqında” Protokola xüsusi bəyanatlarla qoşulur. Bəyanatlarda Protokolun bəzi müdəalarının Ermənistanla münasibətdə tətbiq edilməyəcəyi bildirilir.

Qanun layihələri müzakirə edildikdən sonra Milli Məclisin payız sessiyasının gündəliyinə tövsiyə olunmuşdur.

Sonra cari məsələlərə baxılmış, komissiyanın iş planı təsdiqlənmişdir.