Milli Məclisin sədri: Azərbaycan vətəndaşı olacaq şəxslərin bütün hüquqları və təhlükəsizliyi təmin ediləcək
Bakı, 10 oktyabr, AZƏRTAC
Azərbaycan vətəndaşı olacaq şəxslərin bütün hüquqları və təhlükəsizliyi təmin ediləcək.
AZƏRTAC xəbər verir ki, bu fikri Milli Məclisin sədri Sahibə Qafarova Rumıniya parlamentinin Deputatlar Palatasının sədri Alfred-Robert Simonis ilə görüşündə səsləndirib.
Terrorla mübarizə tədbirlərinin 24 saatdan az müddətdə öz məqsədlərinə çatdığını, separatçı rejimin qanunsuz strukturlarının dağıdıldığını və Azərbaycanın öz suverenliyini bərpa etdiyini bildirən Sahibə Qafarova qeyd edib ki, artıq Qarabağ bölgəsinin etnik ermənilərinin reinteqrasiya prosesinin həyata keçirilməsinə başlanılıb. Qısa müddət ərzində Azərbaycan hökumətinin xüsusi nümayəndəsinin Qarabağın erməni sakinlərinin nümayəndələri ilə üç görüşü keçirilib. O bildirib ki, Azərbaycan vətəndaşı olacaq şəxslərin bütün hüquqları və təhlükəsizliyi təmin ediləcək.
Bölmənin digər xəbərləri
