Mineral sular və çayların tərkibi sanitariya tələblərinə cavab verir
Bakı, 4 mart, AZƏRTAC
Çay və mineral sular yaz-yay mövsümündə ən çox tələbat duyulan məhsullardan sayılır. Ölkəmizə gətirilən həmin məhsulların keyfiyyəti barədə məlumat verən Respublika Sanitar-Karantin Müfəttişliyinin şöbə müdiri Yədulla Balışev AZƏRTAC-a müsahibəsində deyib: "Bu ilin ilk iki ayında Rusiya, Fransa, Belarus, İtaliya, Türkiyə, Gürcüstan, İngiltərə və digər ölkələrdən idxal olunan mineral sular, Hindistan, İngiltərə, Fransa, İtaliya, Rusiya, Türkiyə, Koreya və Şri-Lankadan gətirilən qara və yaşıl çayların laborator müayinələri üçün götürülmüş nümunələr sanitar-epidemioloji qaydalarda nəzərdə tutulan təhlükəsizlik göstəricilərinə görə müayinə edilib”.
Şöbə müdirinin dediyinə görə, ötən iki ayda mineral sularla əlaqədar 6, çaylarla əlaqədar 10 müraciət daxil olub və sanitariya qaydalarına cavab verməyən məhsul aşkar edilməyib.
Bölmənin digər xəbərləri
