MİSİR İSRAİLİN HƏRBİ CİNAYƏTLƏRİNİN ARAŞDIRILMASINI TƏLƏB EDİR

05.07.2004 [12:43]
Çap et
A⁺ A^-

AZƏRTAC-ın Qahirədən aldığı xəbərdə deyilir ki, Misir hökuməti İsrail rəhbərliyinə bu ölkənin müdafiə ordusunun əsir misirlilərə qarşı törətdiyi cinayətlərin araşdırılması üçün xüsusi hərbi komissiya yaradılması barədə rəsmi xahişlə müraciət etmişdir.

Söhbət 1956-cı ildə Sina kampaniyası və 1967-ci ildə altıgünlük müharibə zamanı baş vermiş hadisələrin təhqiq edilməsindən gedir. Misir istintaq aparılmasını, təqsirkarların üzə çıxarılaraq məhkəməyə verilməsini, habelə kompensasiya ödənilməsini tələb edir.

Misir nümayəndələrinin sözlərinə görə, İsrail həmin işlərlə əlaqədar məhkəmə proseslərinin təşkilindən savayı, qalan bütün xahişləri yerinə yetirməyə hazır olduğunu bildirmişdir.

MİSİR İSRAİLİN HƏRBİ CİNAYƏTLƏRİNİN ARAŞDIRILMASINI TƏLƏB EDİR

MÜƏLLİFLƏ ƏLAQƏ

Bölmənin digər xəbərləri