Misirdə 97 yaşlı koronavirus xəstəsi sağalıb
Qahirə, 17 iyun, AZƏRTAC
Misirin Şərqiyə xəstəxanasında yeni növ koronavirusdan müalicə olunan 97 yaşlı qadın tam sağalaraq evə buraxılıb. O, ölkədə bu xəstəlikdən şəfa tapan ən yaşlı insandır.
AZƏRTAC xəbər verir ki, Misirin Səhiyyə Nazirliyi iyunun 16-da pandemiya ilə bağlı son vəziyyəti açıqlayıb. Qeyd olunub ki, son sutkada ölkədə yeni növ koronavirusdan 95 nəfər vəfat edib, COVID-19 qurbanlarının sayı isə 1766 nəfərə çatıb.
Nazirliyin mətbuat katibi Xalid Meqahed bildirib ki, son sutka ərzində yeni növ koronavirusa daha 1567 yoluxma qeydə alınıb, yoluxanların ümumi sayı isə 47 min 856 nəfərə çatıb. O əlavə edib ki, iyunun 16-da karantin xəstəxanalarında 401 pasiyent sağalıb, ümumilikdə 12 min 730 nəfər xəstəlikdən şəfa tapıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
