MİSİRDƏ GƏLƏCƏYİN YEDDİULDUZLU HOTELİ TİKİLƏCƏK
“Serrenia” adlı yeni lüks kompleks Qahirədən birsaatlıq uçuş məsafəsində yerləşəcəkdir. Tikinti sərmayədarlara bir neçə milyard dollara başa gələcəkdir. Kompleksə nəhəng ikisəviyyəli hovuz, yeddiulduzlu hotel, müxtəlif memarlıq üslubunda tikilən binalar daxildir. Kompleksin nadir dizaynı insan təxəyyülünü heyran qoyur. Belə ki, onun xarici və daxili arxitekturasının dünyada tayı-bərabəri yoxdur. Kompleksin 300-dən artıq nömrə üçün nəzərdə tutulan əsas binası qabarıq şlanq formasında olacaqdır.
İstirahət zamanı bazarlıqla məşğul olmağı sevənlər üçün kompleksin ərazisində çoxsaylı dükanları və müxtəlif təamlı restoranları olan ticarət mərkəzi də açılacaqdır. Bundan əlavə, uçan boşqab formasında nadir körpülü yaxta klubu da inşa ediləcəkdir.
Kompleksin tikintisi bu ilin axırlarında başlanacaqdır. Təşkilatçıların hesablamalarına görə, hotel 2008-ci ildə təhvil veriləcəkdir.
Bölmənin digər xəbərləri
