Misirin aeroportlarında bütün uçuşlar dayandırılıb
Qahirə, 16 mart, AZƏRTAC
Misirin Baş Naziri Mustafa Madbuli martın 16-dan 31-dək ölkənin bütün aeroportlarında uçuşların dayandırıldığını elan edib.
AZƏRTAC xəbər verir ki, Misir hökumətinin başçısı keçirdiyi mətbuat konfransında bu müddət ərzində aeroportlarda və hotellərdə koronavirusla əlaqədar dezinfeksiya işləri aparılacağını bəyan edib. Onun sözlərinə görə, qadağalar nəticəsində Misirin turizm sektoru və mülki aviasiyası 2,25 milyard Misir funtu (1 dollar=15,70 Misir funtu) vəsait itirəcək. Baş Nazir əlavə edib ki, ölkə vətəndaşlarının sağlamlığı hökumət üçün daha mühümdür.
Qeyd edək ki, bu günə olan rəsmi məlumata görə, Misirdə COVID-19 virusuna yoluxanların sayı 150 nəfərə çatıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
