“Mitrelli” şirkətinin nümayəndəsi: WUF13-də urbanizasiya ilə bağlı mənalı müzakirələr aparılır
Bakı, 21 may, AZƏRTAC
Afrika ölkələrində genişmiqyaslı infrastruktur layihələri həyata keçirən İsveçrə mənşəli “Mitrelli” şirkəti Ümumdünya Şəhərsalma Forumunun 13-cü Sessiyasında (WUF13) qlobal urbanizasiya ilə bağlı müzakirələri izləyir.
Bunu AZƏRTAC-a açıqlamasında WUF13- ün iştirakçısı, şirkətin biznes inkişafı üzrə nümayəndəsi Joao Da Paixao deyib.
O bildirib ki, WUF13-də dünyanın müxtəlif ölkələrindən olan iştirakçıların bir araya gəlməsi müzakirələri daha mənalı edir.
“Misirdə keçirilən Ümumdünya Şəhərsalma Forumunda da iştirak etmişəm. WUF13-ün miqyası daha böyükdür. Müxtəlif ölkələrdən insanların iştirakı qlobal urbanizasiya ilə bağlı müzakirələri daha təsirli edir”, - deyə o qeyd edib.
Joao Da Paixao Azərbaycanda gördüyü şəhərsalma inkişafını da yüksək qiymətləndirib.
“Şəhəri gəzərkən yeni tikililəri və infrastrukturu gördük. Azərbaycan dünyaya yeni urban inkişaf perspektivi nümayiş etdirir. Afrikadan gələn biri kimi burada gördüklərimizdən öyrənəcəyimiz məqamlar var”, - deyə o əlavə edib.
Bölmənin digər xəbərləri
