MİXAİL SAAKAŞVİLİ EDUARD ŞEVARDNADZENİN KABİNETİNƏ KEÇMİŞDİR
AZƏRTAC-ın müxbiri xəbər verir ki, Gürüstan Prezidenti Mixail Saakaşvili fevralın 13-dən sabiq prezident Eduard Şevardnadzenin iş otağına keçmişdir. Mixail Saakaşvili kabinetdə şəxsi əşyalarını jurnalistlərin iştirakı ilə özü yerləşdirmişdir. O, həmin kabinetdə altı ay işləyəcək, sonra Avlabar yaşayış məhəlləsindəki Dövlət Avtomobil Müfəttişliyinin hazırda təmir işləri aparılan binasına köçəcək, həmin kabinet Baş nazirə veriləcəkdir.
Prezident üçün ayrılan gələcək iqamətgahdakı iş otağı hazırki kabinetdən iki dəfə kiçik olacaqdır. Mixail Saakaşvilinin sözlərinə görə, sabiq Sov. İKP-nin iş üslub və metodlarından əl çəkməyin vaxtı çatmışdır.
Bölmənin digər xəbərləri
