MOİK 4 OYUNÇUSU İLƏ VİDALAŞMIŞDIR
Növbəti futbol mövsümünə hazırlıq dövründə komandanın heyətini gücləndirmək üçün klub rəhbərliyi hərbi xidmətə yaşı düşən və ölkənin nüfuzlu komandalarında oynayan 30 futbolçunun siyahısını onların qeydiyyatda olduğu şəhər və rayon hərbi komissarlıqlarına göndərmişdir. Çağırış müddətində həmin futbolçular MOİK-ə gətiriləcəklər.
Siyahıda adı olanlardan Elmar Baxşıyevin (“İnter”), Vüqar Nadirovun, İlqar Qurbanovun, Vüsal Hüseynovun və Rəşad Abdullayevin (“Xəzər-Lənkəran”) yeni mövsümdə MOİK-in formasını geyəcəkləri gözlənilir. Futbolçuları oyunlara, hələ ki, məşqçi Vaqif Paşayev hazırlayacaqdır.
Bölmənin digər xəbərləri
