Moldova ictimaiyyəti Ermənistana təsir göstərməyə çağırılıb
Bakı, 6 oktyabr, AZƏRTAC
Moldova Azərbaycanlıları Konqresi Ermənistanın təxribatları ilə əlaqədar ölkənin ali dövlət strukturlarına və beynəlxalq qurumlara ünvanlanan bəyanat yayıb.
Diasporla İş üzrə Dövlət Komitəsindən AZƏRTAC-a bildiriblər ki, bəyanatda Ermənistanın Azərbaycanın işğal edilmiş torpaqlarında ordumuza və dinc sakinlərə qarşı həyata keçirdiyi təcavüz barədə məlumat verilir. Bildirilir ki, Ermənistanın təxribatları nəticəsində bölgədə vəziyyət gərginləşib, aralarında uşaq, qadın və yaşlı insanların da olduğu xeyli sayda mülki şəxs həlak olub, yaralanıb, yaşayış məntəqələrinə ciddi ziyan dəyib.
Moldovada yaşayan soydaşlarımız bu ölkənin ictimaiyyətini Cənubi Qafqazda sülhün və sabitliyin bərqərar olması üçün Ermənistanın işğal etdiyi Azərbaycan torpaqlarından geri çəkilməsi, təcili şəkildə atəşi dayandırması məqsədilə rəsmi Yerevana təsir və təzyiqlər göstərməyə çağırır.
Bölmənin digər xəbərləri
