Moldovada prezident seçkiləri kampaniyasına start verilib

01.09.2020 [00:12]
Çap et
A⁺ A^-

Kişineu, 1 sentyabr, AZƏRTAC

Sentyabrın 1-dən Moldovada prezident seçkiləri kampaniyasına start verilir. AZƏRTAC xəbər verir ki, otuz gün ərzində prezidentliyə namizədlər qeydiyyata alınacaq və təşviqat aparacaqlar.

Seçkilərdə hazırkı Prezident İqor Dodon da iştirak edəcəyini açıqlayıb. İctimai rəy sorğusuna görə, seçki kampaniyasının favoriti Prezident İqor Dodondur. Moldova Respublikası Sosialistlər Partiyası artıq onun dəstəklənməsini bəyan edib.

İqor Dodonun əsas rəqibinin 2016-cı ildə məğlub olmuş Avropa yönlü fəaliyyət və həmrəylik partiyasının lideri Mayya Sandunun olacağı bildirilir. Daha sonra reytinqdə “Ləyaqət və həqiqət platforması” partiyasının sədri Andrey Nestase gəlir.

Qeyd edək ki, Moldovada prezident seçkilərinin noyabrın 1-də keçirilməsi nəzərdə tutulur.

Emil Hüseynli

AZƏRTAC-ın xüsusi müxbiri

Kişineu