Monteneqro Avropada ən yüksək iqtisadi artım göstərəcək
Podqoritsa, 10 oktyabr, AZƏRTAC
Beynəlxalq Valyuta Fondu Monteneqronun 2023-cü ildə Avropa qitəsində ən yüksək iqtisadi artıma nail olacağını proqnozlaşdırır.
AZƏRTAC xəbər verir ki, fondun hesabatında bu il Monteneqroda iqtisadi artımın 4,5 faiz təşkil edəcəyi bildirilir. Bu, aprel ayında proqnozlaşdırılan (3,2 faiz) iqtisadi artım göstəricisindən 1,3 faiz çoxdur.
Beynəlxalq Valyuta Fondu növbəti il üçün Monteneqro iqtisadiyyatında 3,7 faiz artım nəzərdə tutur. Region ölkələrinə gəlincə, cari ildə Serbiya ilə Bosniya və Herseqovinada iqtisadi artımın 2 faiz, Şimali Makedoniyada isə 2,5 faiz olacağı gözlənilir.
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
