MOSKVA BAZARINDA HƏLAK OLANLARIN SAYI 64 NƏFƏRƏ ÇATMIŞDIR
Beləliklə, bu faciə nəticəsində həlak olanların ümumi sayı ötən gün ərzində altı nəfər artmış və 64-ə çatmışdır.
Bazarın damının çökməsi zamanı xəsarət alan 22 adam xəstəxanada qalmaqdadır. Onlardan 12 nəfəri ağır vəziyyətdədir.
Bu hadisənin təhqiqi çərçivəsində bazarın müəssisəsinin direktoru Mark Mişiyev həbs edilmişdir. O, RF Cinayət Məcəlləsinin 109-cu maddəsinin 3-cü hissəsində nəzərdə tutulan əməllərdə (“Ehtiyatsızlıq üzündən ölüm hallarının baş verməsi”) təqsirləndirilir.
Xatırladaq ki, 1975-ci ildə istifadəyə verilən bu bazarın layihəsinin konstruktoru Nodar Kançelidir. 2004-cü ilin fevralında uçan Moskvanın “Transvaal-park”ının da konstruktoru odur. Onun uçması nəticəsində 28 nəfər həlak olmuş və 200-dək adam yaralanmışdı.
Bölmənin digər xəbərləri
