Moskvada “Bakı Günləri” keçiriləcək
Moskva, 26 oktyabr, AZƏRTAC
Moskvada “Bakı Günləri” keçiriləcək.
AZƏRTAC xəbər verir ki, bu barədə Moskva şəhərinin Xarici iqtisadi və beynəlxalq əlaqələr departamentinin rəis müavini Vyaçeslav Manuilov Azərbaycan Turizm Bürosunun Rusiya paytaxtında nümayəndəliyinin açılışında məlumat verib.
“Biz Moskva ilə Bakı arasında turist axınını artırmaq üçün birgə tədbirlər keçirməyə və müxtəlif marketinq kampaniyalarında iştirak etməyə hazırıq. Departamentimiz Azərbaycanla ilk növbədə nəqliyyat, ağıllı şəhərin yaradılması, sosial xidmətlərin göstərilməsi və humanitar sahədə əməkdaşlıq edir”, - deyə V.Manuilov bildirib.
Onun sözlərinə görə, Bakıda keçiriləcək COP29 dövründə Moskva meriyası nümayəndə heyətinin iştirakı ilə Rusiya paytaxtında “Bakı Günləri”nin keçirilməsi üçün Azərbaycan tərəfi ilə danışıqlar aparılacaq, bu tədbirlər çərçivəsində sərgilər, konsertlər və s. mədəni tədbirlər təşkil olunacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
