Moskvada Elvin Hoca Qəniyevin konserti olacaq
Moskva, 19 yanvar, AZƏRTAC
Moskvada azərbaycanlı virtuoz, Azərbaycanın Əməkdar artisti Elvin Hoca Qəniyevin konserti olacaq.
AZƏRTAC xəbər verir ki, fevralın 2-də “Zaryadye” konsert zalında Azərbaycanın Əməkdar artisti Elvin Hoca Qəniyevin konserti olacaq. Dirijor Marius Stravinskinin rəhbərliyi altında Çaykovski adına Böyük Simfonik Orkestrinin müşayiəti ilə Türkiyənin görkəmli bəstəkarı və dirijoru Ülvi Cemal Erkinin (1906 - 1972) skripka konserti təqdim olunacaq. Konsertin birinci hissəsinin sonunda Frans Vaksmanın skripka ilə orkestri üçün Bizenin “Karmen” operasından mövzular əsasında Fantaziya səsləndiriləcək.
Elvin Hoca Qəniyev David Oystrax, Qenrik Venyavski, Karol Lipinski, Yaşa Xeyfes adına və bir çox digər nüfuzlu beynəlxalq müsabiqələrin laureatı; “Azərbaycanın Mosartı” adlandırılan mahir sənətkar - skripka ifaçısıdır. Musiqiçinin adı Azərbaycanın gənc istedadlarının “Qızıl Kitabı”na daxil edilib. Moskvanın “Zaryadye” zalında o, ilk dəfədir çıxış edir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
