MOSKVALI PİANOÇUNUN İŞTİRAKI İLƏ KONSERT
AZƏRTAC xəbər verir ki, noyabrın 25-də Müslüm Maqomayev adına Azərbaycan Dövlət Filarmoniyasında Üzeyir Hacıbəyov adına Azərbaycan Dövlət simfonik orkestrinin (bədii rəhbər və baş dirijor, xalq artisti, Dövlət mükafatı laureatı Rauf Abdullayev) konserti olmuşdur.
Konsertdə orkestrlə pianoçuların Almaniya, Belçika, İtaliya, Rusiya və Gürcüstanda keçirilən Beynəlxalq müsabiqələrinin mükafatları laureatı Yakov Katsnelson (Moskva) çıxış etmişdir. Proqramda Motsartın ”Don Juan” operasının uvertürası, 24 saylı konserti və Şopenin 1 saylı konserti səslənmişdir. Musiqisevərlər tanınmış ifaçını hərarətli alqışlarla qarşılamışlar.
Bölmənin digər xəbərləri
