M.SAAKAŞVİLİ YENİ HÖKUMƏTİN TƏSDİQİNƏ TƏLƏSİR
İlkin məlumata görə, xarici işlər naziri vəzifəsinə Nino Burcanadzenin namizədliyi irəli sürüləcəkdir. Dövlət başçısının dediyinə görə, hazırda prezident, parlament və baş nazir arasında səlahiyyətlərin müəyyən edilməsi ən ağrılı məsələlərdəndir. Hazırda hakimiyyətin üç qolu arasında vəzifə səlahiyyətləri baxımından konstitusiya dəyişikliklərindən söhbət gedir. M.Saakaşvili, indiki və gələcək dövlət naziri Z. Jvaniya hökumət və parlamentə tam nəzarət etmək üçün əllərində daha çox səlahiyyətlər cəmləşdirmək istəyirlər. Hətta müstəsna hallarda prezidentə, yaxud baş nazirə parlamenti buraxmaq səlahiyyəti verilməsi barədə Konstitusiyada dəyişiklik edilməsindən də söhbət gedir. Bu da təbii ki, ali qanunverici orqanın rəhbərini qane etmir.
Bölmənin digər xəbərləri
